Seinastu 10 dagarnar, hevur Tollvaldið saman við politinum lagt hald á 2,6 kg av hashi, ið hevur eitt søluvirðið á svarta marknaðinum í Føroyum uppá tilsamans í minsta lagi 650.000 kr.
Leygardagin tann 26. marts 2016 kl. 20:35 (páskaaftan) bleiv ein 60 ára gamal maður handtikin á flogvøllinum í Vágum, tá hann royndi at smugla 2 kg av hashi, sum hann goymdi í viðførinum.
Maðurin bleiv varðhaldsfongslaður 27. marts (1. páskadag) til 20. apríl, meðan nærri kanningar fara framm í málinum.
Í morgun kl. 05:35 bleiv ein 33 ára gamal maður handtikin umborð á Norrønu, har hann royndi at smugla 600 gram av hashi, sum hann goymdi í viðførinum.
Kl. 10:30 bleiv so ein 22 ára gamal maður handtikin í miðbýnum í Havn, tí hann var eigarin av hashinum.
Báðir menninir viðgingu seg sekar og vóru tíðliga seinnapartin í Føroya Rætti dømdir 2 mánaðar treytaleysa fongsulsrevsing hvør.
Jón Klein Olsen
varapolitiinspektørur
