Høgni Hoydal, landsstýrismaður í fiskivinnumálum, hevur eftir ráðførslu við Løgtingsins Uttanlandsnevnd, ásett føroysku norðhavssildakvotuna fyri 2016.

Nú semja ikki varð gjørd millum strandarlondini á heysti í 2015 um býtið av norðhavssild fyri 2016 og næstu árini, hava londini hvørt sær ásett kvotur fyri 2016.

Avgerð er tikin um, at føroyska norðhavssildakvotan í 2016 verður 56.087 tons.

Sambært fiskirættindasáttmálum við ávikavist Russland og Grønland lata Føroyar hesum londum 12.500 tons av føroysku norðhavssildakvotuni. Hjá føroyskum skipum verða sostatt 43.587 tons at fiska í 2016.

Kunngerð um norðhavssildafiskiskapin verður lýst í næstum.

kelda:fisk.fo

OML

See author's posts