Nú arbeitt verður við nýskipan á pensiónsøkinum ynski eg at spyrja landsstýriskvinnuna, um hon ætlar at gera nakrar munagóðar broytingar í pensiónsviðurskiftunum hjá støkum pensionistum. Pensionistum, sum hava mist sín maka og/ella pensionistum, sum ongantíð hava havt maka. Hesi eru ofta ringast fyri fíggjarliga.
Viðm. Tað er altíð ein dyggur smeitur at missa makan. Sum steinur omaná byrðu gerast fíggjarligu viðurskiftini hjá tí eftirsitandi makanum nógv verri, tá makin er farin. Inntøkan verður knappliga næstan hálverað, men stóru føstu útreiðslurnar eru ofta tær somu ella stórt sæð tær somu. Útreiðslur til SEV, olju, og húsatrygging verðá stórt sæð tær somu. Útreiðslur til bil vera tær somu. Útreiðslur til viðlíkahald av húsum verða tær somu. Er skuld framvegis í húsinum, so gerst støðan uppaftur verri.
Nú er lagaliga løtan at lyfta hesi upp á eitt virðiligt støði.
Elsebeth Mercedis GunnleygsdótturLøgtingslimur
