Dragin í Klaksvík er millum teir deksbátar, sum hava havt eitt gott fiskisummar. Teir fóru avstað beint eftir verkfallið, um halvan juni, og komu aftur 10 dagar seinni við 41.000 pundum.
Annan túrin fingu teir 45.000 pund, og teir eru just afturkomnir á triðja sinni, síðan summarfiskiskapurin byrjaði, við 39.000 pundum.
Teir hava roynt við snellu og avreitt í Klaksvík.
50.000 KRÓNUR Í PART
Bara fýra menn hava róð út við Draganum, Grímur Lassen skipari, Niclas Norðoy motorpassari, Stig Isaksen og Óli Lassen sum dekkarar. Viðmerking 2020 eisini var Sigurd frá Viðareiði eisini við ein túr.)
Fyri hesar júst tveir mánaðirnar í tíð og tríggjar túrararnar vestur móti Íslandi hava teir fýra fiskigarparnir fingið úti við 50.000 kr. í part, frættist úr Klaksvík.
Hetta er saktans gott úrslit hjá fýra monnum, meir enn 60 tons, við snellubáti, sum bara er um 30 tons til støddar.
Kelda: DAGBLAÐIÐ tann 21 august 1987
